Ejaz Asif
huun main bhi sho.abada koi duniya ke samne
hairan ho rahi hai mujhe pa ke samne
zarre ne aaj apni haqiqat ko pa liya
zarra na sar-nigun hua sahra ke samne
uksa rahi hai koi ḳhalish der se mujhe
rakh dil sa phuul ḳhar-e-tamanna ke samne
ḳhalvat men kar raha tha gunahon ka e’tiraf
honTon ko va na kar saka duniya ke samne
‘asif’ tamam marhale asan ho ga.e
Thahri na ik chaTan bhi dariya ke samne
Leave a Reply