Munawwar Lakhnavi
baḌe ajiib manazir nazar se guzre hain
jab ahl-e-hosh tiri rahguzar se guzre hain
musafiran-e-rah-e-zist ka shumar kahan
na jaane qafile kitne udhar se guzre hain
tiri talash men duniya ko chhan Daala hai
tiri talash men har rahguzar se guzre hain
main janta huun vahi dil ko dil bana denge
musibaton ke jo tufan sar se guzre hain
ye kah rahe the farishton se mai-kade vaale
abhi janab-e-‘munavar’ idhar se guzre hain
Leave a Reply