Na Koi Un Ke Siwa Aur Jaan-E-Jaan Dekha

na koi un ke siva aur jan-e-jan dekha

vahi vahi nazar aaega jahan jahan dekha

bahisht men bhi usi huur ko ravan dekha

yahan jo dekh chuke the vahi vahan dekha

khizan-e-umr kuja o kuja bahar-e-shabab

falak ko rashk hua koi jab javan dekha

gae jahan se jo log do jahan se gae

kisi ne phir na kabhi apna karvan dekha

jalaya bazm men har roz shama ke manind

hazaron baten sunain jo be-zaban dekha

qayamat aai ye tadpa firaq men ai ‘barq’

na phir zamin ko paaya na asman dekha

Leave a Comment