Khuda-Parast Hue Na Hum But-Parast Hue

khuda-parast hue na ham but-parast hue

kisi taraf na jhuka sar kuchh aise mast hue

jinhen ghurur bahut tha namaz roze par

gae jo qabr men saare vuzu shikast hue

ghurur kar ke nigahon se gir gae maghrur

buland jitne hue utne aur past hue

raha khumar ke sadme se chuur shisha-e-dil

magar na sail-e-mai tere mai-parast hue

tadap dikha na use ‘bahr’ mahi-e-dil ki

ghazab hua jo vo tar-e-nigah shast hue

Leave a Comment