Kya Kahiye Rah-e-Shauq Ko Kis Tarah Sar Kiya

Sufi

kya kahiye rah-e-shauq ko kis tarah sar kiya

ham ne safar fazaon men be-bal-o-par kiya

zulf us ki ho rahi thi pareshan havaon men

ham ye samajh rahe the dua ne asar kiya

puchho na kis tarah se guzari hai zindagi

maddham se ik diye ne hava men safar kiya

‘fakhir’ guzar rahe hain ham is daur se yahan

jis ne mohabbaton ko bhi marhun-e-zar kiya