kya ho gaya hai tujh ko mire dil sambhal sambhal
aise to paanv rakhte hain ghafil sambhal sambhal
laaya hai khinch tum ko jahan zauq-e-mai-kashi
lagti nahin ye dard ki mahfil sambhal sambhal
ik umr pa ke ḳhatm na ho jaa.e tera pyaar
hone lagi hai aarzu shamil sambhal sambhal
Dubegi rah-e-shauq men le kar tujhe bhi saath
manzil hai teri raah men haa.il sambhal sambhal
jis naḳhuda ko tu ne banaya tha ham-safar
thama hai us ne daman-e-sahil sambhal-sambhal
toḌe hain jis ko paane ki ḳhatir hazar dil
manzil nahin hai dhoka hai ghafil sambhal sambhal
qurban-gah-e-gulshan-e-hasti men ai ‘kanval’
baiThe hain phul-phul men qatil sambhal-sambhal
Leave a Reply