kya daur hai ki jo bhi sukhnavar mila mujhe
gum-gashta apni zaat ke andar mila mujhe
kis pyaar se gaya tha tiri astin ke paas
shakh-e-hina ki chaah men khanjar mila mujhe
is zulmat-e-hayat men ik lafz pyaar ka
jab mil gaya to mah-e-munavvar mila mujhe
surat-garan-e-asr ka tha intizar-kash
teri rah-e-talab men jo patthar mila mujhe
roz-e-azal se kar-gah-e-hast men ‘suhail’
dil hi gham-e-hayat ka mehvar mila mujhe
Leave a Reply