Paras Mazari
kya aziyyat hai mard hone ki
koi bhi ja nahin hai rone ki
da.era qaid ki alamat hai
chahe anguThi pahno sone ki
saans phunki ga.i baḌa ehsan
chabi bhar di ga.i khilaune ki
aisi sardi men shart chadar hai
oḌhne ki ho ya bichhaune ki
bojh jaisa tha jis ka tha mujhe kya
mujhe ujrat mili hai Dhone ki
main jazire Dubone vaala huun
ḳhu nahin kashtiyan Dubone ki
Leave a Reply