zindagi tere liye ḳhaak bahut chhani hai
tu bhi mere liye ik vaj.h-e-pareshani hai
main ne bhi dekh liye naqsh-o-nigar-e-duniya
didani itni nahin jitni sana-ḳhvani hai
gharq hota hua dariyaon men sahra-e-vajud
be-zamin karta hua charon taraf paani hai
main ne manga tha bahut us ne diya hai kuchh kam
faqat ikram men ḳhvahish ki faravani hai
vaqt ke baare men kab sochte hain ham vaise
ye tavariḳh ka raqim nahin zindani hai
sab dua karte hain aur mil ke nahin rahte hain
is jahalat pe mujhe aaj bhi hairani hai
Leave a Reply