ashkon ne samundar men ik aag laga.i hai
paani pe sitam-gar ki tasvir bana.i hai
is dil ne rulaya hai ik baar mujhe phir se
is dil ne mujhe phir se vo yaad dila.i hai
ye kaisi juda.i hai jo ḳhatm nahin hoti
ye kaisi udasi hai is dil pe jo chha.i hai
main ne hi mohabbat ka iz.har kiya pahle
main ne hi use ja kar ye baat bata.i hai
mushkil se guzara hai is dil ne bahut mujh ko
is dil ko agar teri kuchh yaad bhi aa.i hai
ik kaam ka ham ne bhi ye kaam kiya hai bas
ik naam ki shohrat hi bas ham ne kama.i hai
bas main ne ‘vaqas’ us ko is dil men basaya hai
bas main ne ‘vaqas’ us se ye baat chhupa.i hai
Leave a Reply