hamari gardish-e-pa raston ke kaam aa.i
kahin pe sub.h hui aur kahin pe shaam aa.i
giran guzarne laga tha sukut-e-mai-ḳhana
bahut dinon men sada-e-shikast-e-jam aa.i
kahan pe TuuTa tha rabt-e-kalam yaad nahin
hayat duur talak ham se ham-kalam aa.i
kisi ko tera tabassum mila kisi ko ada
hamare naam tiri sohbaton ki shaam aa.i
vahin pe barsa hai badal jahan hava ne kaha
hamari chhat pe to barish bara.e-nam aa.i
Leave a Reply