insha-allah-khan-insha

Gali Se Teri Jo Tuk Ho Ke Aadmi Nikle

gali se teri jo tuk ho ke aadmi nikle

to us ke saaya se jhat ban ke ik pari nikle

khayal men tire chehre ki mar gaya ho jo shakhs

to us ki khaak se sone ki aarsi nikle

baiid shaan se ashiq ke aah bharni thi

vali vo kya kare jab us ki jaan hi nikle

kisi ke hosh ko kah do agar chala chahe

to apne ghar se kamar bandh kar abhi nikle

nishan-e-ah liye chhanv chhanv taron ke

chalegi fauj-e-sarishk aaj chandni nikle

kaji tabiat-e-kaj-fahm se ho tab munfak

kisi dava se dum-e-sag ke gar kaji nikle

hazar shukr ki ‘insha’ kisi ki mahfil men

khafa se aae the par ho hansi-khushi nikle

More Poems

Leave a Comment