Uvais Girach
gham zaruri tha bahut aansu ke banne ke liye
jabr bhi to chahiye aansu nikalne ke liye
ai charagho yuun bhi hoga ye hava tum se Dare
da.imi jalna paḌega shams banne ke liye
jumbish-e-chashm-o-lab-o-ruḳhsar ki ra.ana.iyan
bas yahi kaafi hai un ko yaad rakhne ke liye
main bana miTTi se huun aur ye to hai rang-e-bashar
main simaTta hi gaya phir se bikharne ke liye
panchhiyon ke beach men tum mat karo zikr-e-bashar
par nahin hai hausla buniyad uḌne ke liye
Leave a Reply