kuza-gar dekh agar chaak pe aana hai mujhe
phir tire haath se har chaak silana hai mujhe
bandh rakkhe hain mire paanv men ghungru kis ne
apni sur-tal pe ab kis ne nachana hai mujhe
rat-bhar dekhta aaya huun charaghon ka dhuan
sub.h-e-ashur se ab aankh milana hai mujhe
haath uTThe na koi ab ke dua ki ḳhatir
ek divar pas-e-dar banana hai mujhe
sar bache ya na bache tere ziyan-ḳhane men
apni dastar bahar-taur bachana hai mujhe
chhoḌ aaya huun dar-e-dil pe main ankhen apni
ab zara jaa.e jo kahta tha ki jaana hai mujhe
Leave a Reply