Qaisarul Jafri
tu apne phuul se honTon ko ra.egan mat kar
agar vafa ka irada nahin to haan mat kar
tu meri shaam ki palkon se raushni mat chhin
jahan charagh jala.e vahan dhuan mat kar
phir is ke ba.ad to ankhon ko sang hona hai
mili hai fursat-e-girya to ra.egan mat kar
chhalak raha hai tire dil ka dard chehre se
chhupa chhupa ke mohabbat ko dastan mat kar
tu jaate jaate na de mujh ko zindagi ki dua
main ji sakunga tire ba.ad ye guman mat kar
Leave a Reply