Poet
dildar hua na-ḳhush ab dil ka ḳhuda-hafiz
nazron men laga laḌne bismil ka ḳhuda-hafiz
ḳhanjar se mizha ke ye sab siina kiya zaḳhmi
kuchh bas hi nahin chalta ghayal ka ḳhuda-hafiz
kis tarah koi jiite nadan se paḌa paala
be-tarah ki ḳhvari hai aaqil ka ḳhuda-hafiz
ghairon se chabata hai yaron se bachata hai
chhute hi machalta hai chanchal ka ḳhuda-hafiz
apni hi vo kahta hai par aur ki nahin sunta
har ik se ulajhta hai jahil ka ḳhuda-hafiz
shah-e-gul ki ḳhabar aa.i aata hai liye lashkar
gulshan men paḌi khal-bal bulbul ka ḳhuda-hafiz
main tujh ko na kahta tha mat ‘nain’ buton se mil
dil de ke hua rusva be-dil ka ḳhuda-hafiz
Leave a Reply