Kuja Hasti Bata De Tu Kahan Hai

kuja hasti bata de tu kahan hai

jise kahte hain bismil nim-jan hai

hamara ghar hai yaani khana-e-mast

mahal hi kaakh hai koshak makan hai

chacha am hai pisar beta pidar baap

to kumba khanuman-o-dudaman hai

safina naav kashti baan mallah

bahe paani to vo ab-e-ravan hai

batao aag kya hai nar-o-atish

dhuan kya chiiz hai do-dud-o-khan hai

jise kahte ho tum gardun-e-gardan

falak charkh-o-siphar-o-asman hai

vahi jannat ki jis ki aarzu hai

naim-o-khuld-o-firdaus-o-jinan hai

suna kijiye hikayat hai kahani

kaha kijiye fasana dastan hai

mira sar raas hai matha jabin hai

mire munh men zaban hai jo lisan hai

kaho tum jo tarazu hai so mizan

suno tum azmaish imtihan hai

hajar patthar hai aur qirtas kaghaz

subuk halka hai aur bhari giran hai

asa lathi alam neza sinan bhaal

jise ham qaus kahte hain kaman hai

nihan-o-musatatar poshida makhfi

jo bariz hai to zahir hai ayaan hai

agar jaano ho tum revad ko galla

to charvaha bhi raai aur shaban hai

kaha karte hain shair ko sukhan-dan

jo bhedi hai to mahram razdan hai

humanja amdam jaae ki hasti

vahin aaya huun main bhi tu jahan hai

yahi kaun-o-makan duniya hai aalam

ye hi geti hi gihan hai jahan hai

Leave a Comment