Kufr Momin Hai Na Karna dil-Baran Se Ikhtilat

Poet

kufr momin hai na karna dil-baran se ikhtilat

kar liya kaabe ne bhi kai din butan se ikhtilat

banda us bulbul ka huun jo bu-e-gul ke vaste

garm rakkhe haae har khar-e-khizan se ikhtilat

khaksaron ki hai ulfat rahravan-e-ishq se

jaise gard-e-rah ka hai karvan se ikhtilat

kyuun na hove pukhta o bar-jasta raushan dil ka sher

duud o shoale sa sukhan ko hai zaban se ikhtilat

dil-shikan ke vaste dast-e-dua ‘uzlat’ uthae

jaise ghunche ka nasim-e-gulsitan se ikhtilat