Fazl Tabish
in a.ankhon men bin bole bhi madar-zad taqaza hai
ḳhvahish ḳhvahish bikne vaala malbusati kiiḌa hai
us ke charon or phiren kya us ke andar utren kya
apne hi andar utarne ka kya kuchh kam pachhtava hai
sannaTe ki divaron se sar Takra kar mar jaao
chiḳhon ka zalim darvaza qad se kaafi uncha hai
galiyon galiyon ḳhaak uḌa li har darvaza jhank aa.e
tab ja kar ye ḳhvabon jaisa dhundla-pan haath aaya hai
kitne hi chahe jismon ki lashen manzar manzar hain
lekin an-gin ḳhushiyon ka bhi a.ankhon hi se rishta hai
Leave a Reply