kuufe ke qarib ho gaya hai
lahore ajiib ho gaya hai
har dost hai mere ḳhuun ka pyasa
har dost raqib ho gaya hai
har aankh ki zulmaton se yaari
har zehn muhib ho gaya hai
kya hansta hansata shahr yaaro
hasid ka nasib ho gaya hai
phaila tha masih-e-vaqt ban kar
simTa to salib ho gaya hai
kaghaz pe ugal raha hai nafrat
kam-zarf adiib ho gaya hai
is shahr ke dil nahin hai ‘zulfi’
ye shahr gharib ho gaya hai
Leave a Reply