Poet
kuchh yuun bhi mujhe raas hain tanha.iyan apni
rahti hain jilau men mire parchha.iyan apni
mash.hur yahi log kabhi ahl-e-nazar the!
ab DhunDte phirte hain jo bina.iyan apni
apna hi sahara tha sar-e-ma.arka-e-zat
kis kaam ki thiin varna saf-ara.iyan apni
main aur bhare shahr men is tarah akela!
vo saunp gaya hai mujhe tanha.iyan apni
lau tum ne charaghon ki baḌha.i to hai ‘rashid’
ghere men na le len tumhen parchha.iyan apni
Leave a Reply