Ahmad Shanas
kuchh shafaq dubte suraj ki bacha li jaae
rang-e-imkan se koi shakl bana li jaae
harf mohmal sa koi haath pe us ke rakh do
qahat kaisa hai ki har saans savali jaae
shahr-e-malbus men kyuun itna barhana rahiye
koi chhat ya koi divar-e-khayali jaae
saath ho leta hai har shaam vahi sannata
ghar ko jaane ki nai raah nikali jaae
phenk ankhon ko kisi jhiil ki gahrai men
but koi soch ki avara khayali jaae
tishna-e-zakhm na rahne de badan ko ‘ahmad’
aisi talvar sar-e-shahr uchhali jaae
Leave a Reply