kuchh sarguzisht kah na sake ru-ba-ru qalam
gardish-nasib roz-e-azal se hai tu qalam
kaghaz ka taao kya hai tire ru-ba-ru qalam
aisa hi yaani piir ka neza hai tu qalam
zalim nahin tu harf-e-mohabbat se ashna
mashq-e-sitam se sharm kar ai jang-ju qalam
kya khama likh sake sifat-e-zulf-e-mushk-bar
shore ke bhi hue hain kahin mushk-bu qalam
naama par-e-huma ho mira ai shah-e-butan
likho gar ustukhan se bana kar kabhu qalam
qatil ko main ne khat nahin shanjarf se likha
kis vajh se hua hai tu ab surkh-ru qalam
yaani ki us ke ishq men is dam mila hai yaan
munh se lahu laga ke shahidon men tu qalam
likh aur ik ghazal ki shagufta zamin hai
le kar ‘nasir’ ab ye lab-e-abju qalam
Leave a Reply