kuchh samajh aaya na aaya main ne socha hai use
zehn par us ko utara dil pe likkha hai use
in dinon is shahr men ik fasl-e-ḳhun ka raqs hai
ham bahut be-bas hue hain, main ne likkha hai use
dhuup ne hans kar kaha dekha tujhe pighla diya
barf kya kahti nafasat ne Duboya hai use
baagh men hona hi shayad seb ki pahchan thi
ab ki vo bazar men hai ab to bikna hai use
kal bhare badal men kya rangon ka darvaza khula
mujh ko kal tak tha ye da.ava main ne samjha hai use
ek shai jis ko umuman sirf dil kahte hain log
mar gaya hota magar main ne bachaya hai use
karb dil ka mere lab par aa.ega ‘manzur’ kya
main ne ḳhun-e-dil se kaghaz par utara hai use
Leave a Reply