Poet
ḳhun-e-dil yaan vaqf-e-mizhgan hi raha
gham tira dast-o-gareban hi raha
qatl ho kar bhi dil-e-shaida mira
tishna-kam-e-ab-e-paikan hi raha
kaam bhi yaan ho chuka vaan chara-gar
darpai tadbir-e-darman hi raha
kavish-e-dast-e-junun ko nit yahan
shaghl-e-chak-e-jeb-o-daman hi raha
va.ade ghairon se vafa hote rahe
ek ham se ahd-o-paiman hi raha
yaad men us chashm-e-fattan ki sada
dil charagah-e-ghazalan hi raha
chiyunTiyon ko bhi suna ai ‘aish’ yaan
da.ava-e-mulk-e-sulaiman hi raha
Leave a Reply