Zeeshan Ilahi
ham be-gharon ke dil men jagati hai Dar gali
soti hai aadhi raat ko jab be-ḳhabar gali
mujh ko to jan-bujh ke bhaTka diya gaya
sarkar ka makan kahan aur kidhar gali
kuchh saal qabl mere bhi hisse men aa.i thi
ik dil-nashin shaam aur ik muntazar gali
chal to paḌa huun shauq-e-makan men tire magar
aage se band ye bhi milegi agar gali
siine se teri yaad laga kar main so gaya
har-chand shor karti rahi rat-bhar gali
ik arse ba.ad udhar se jo mera guzar hua
tum bin sabhi udaas mile ḳhaas kar gali
anjan shahr men tha akela nikal paḌa
‘zishan’ tujh ko zehn men rakhni thi har gali
Leave a Reply