Ajit Singh Badal
kuchh rishton men baT jaata hai
tera pyaar bhi ghaT jaata hai
bhanp ke chadar ki kotahi
tan bhi mera simaT jaata hai
log bhula dete hain us ko
jo manzar se kaT jaata hai
miTTi ki shah pa kar pauda
gamle men bhi daT jaata hai
tum se milne aa jaata huun
jab ji mera uchaT jaata hai
tota bhi pandit ke ghar ka
ik do mantar raT jaata hai
bansuri bante bante badal
baans ka siina phaT jaata hai
Leave a Reply