Poet
hamare saath zamana bhi chalne lagta hai
sitare dekh ke rasta badalne lagta hai
guman aisa ki manzil milegi raste men
magar naya sa jo rasta nikalne lagta hai
gale to lagta hai vo be-ḳhudi ke aalam men
zara jo hosh men aa.e sambhalne lagta hai
usi ka ḳhvab hai ankhon ke tapte sahra men
usi ki yaad men dil bhi machalne lagta hai
kisi ki yaad hamesha sambhal rakkhun magar
lahu ke saath badan bhi to jalne lagta hai
Leave a Reply