Poet
kuchh hasinon ki mohabbat bhi buri hoti hai
kuchh ye be-chain tabi.at bhi buri hoti hai
jite-ji mere na aa.e to na aa.e ab aao
kya shahidon ki ziyarat bhi buri hoti hai
aap ki zid ne mujhe aur pila.i hazrat
shaiḳh-ji itni nasihat bhi buri hoti hai
us ne dil manga to inkar ka pahlu na mila
ḳhana-barbad muravvat bhi buri hoti hai
ai ‘hasan’ aap kahan aur kahan bazm-e-sharab
pir-o-murshid buri sohbat bhi buri hoti hai
Leave a Reply