kuchh haqiqat hai kuchh kahani hai
sirf kahne ko haq-bayani hai
ishq-e-fani ravan hua jab jab
hasraton par chaḌhi javani hai
naav sahil pe aa ke Duub ga.i
na-ḳhudaon ki mehrbani hai
jo diye oT men the vo hi bujhe
ye havaon ki pasbani hai
zard patton ne muskura ke kaha
fasl-e-gul hai hava suhani hai
shaam ki chaa.e un ke saath piyun
dil ki hasrat bahut purani hai
raushna.i bana.i ashkon se
meri ghazlon men ab ravani hai
Leave a Reply