Shah Naseer
zulf ka kya us ki chaTka lag gaya
zor-e-dil ke haath laTka lag gaya
tar-e-mizhgan par chala jaata hai ashk
kaam par laḌka ye naT ka lag gaya
chashm-o-abru par nahin mauquf kuchh
jan-e-man dil jis ka aTka lag gaya
jam-e-gul men kyuun na de shabnam gulab
sub.h-dam ghunche ko chaTka lag gaya
manzil-e-gum-karda ik main huun ‘nasir’
raah se jo koi bhaTka lag gaya
Leave a Reply