kuchh bhi nahin hai ḳhaak ke azar se pare
dekha hai main ne bar-ha us paar se pare
ik naqsh khinchta hai mujhe ḳhvab se udhar
ik da.era bana hua parkar se pare
ya-rab nigah-e-shauq ko vus.at nasib ho
meri nazar pe baar hai divar se pare
tum ḳhud hi dastan badalte ho daf.atan
ham varna dekhte nahin kirdar se pare
kuchh lafz jin ko ab koi tartib chahiye
guzre hue ḳhayal ke iz.har se pare
‘azar’ ab un ka nam-o-nishan mil nahin raha
uḌta hua ghubar hai kohsar se pare
Leave a Reply