Kuchh Ajab Sa Hun Sitamgar Main Bhi

kuchh ajab sā huuñ sitamgar maiñ bhī

us pe khultā huuñ badan bhar maiñ bhī

na.ī tartīb se vo bhī ḳhush hai

ḳhūb-sūrat huuñ bikhar kar maiñ bhī

aa mire saath mire shahr meñ aa

jis se bhaag aatā huuñ aksar maiñ bhī

ab ye pā-posh-e-anā kāTtī hai

lo huā apne barābar maiñ bhī

jhilmilā le abhī ujlat kyā hai

aur kuchh der huuñ chhat par maiñ bhī

Leave a Comment