kuchh aisi kaifiyat se saqi-e-mastana aata hai
ki jaise rang chhalkata hua paimana aata hai
kuchh aise bhi hain jo mahfil men tishna-kam rahte hain
nigah-e-lutf haTti hai agar paimana aata hai
ye kis ki shakl ankhen band karte hi nazar aa.i
ye kis ka naam lab par ḳhud paye afsana aata hai
use ham bhuul jaa.en ham ne chaha hai bahut lekin
ḳhayal aata hai akasr aur bebakana aata hai
mujhe is be-ḳhudi par bhi dil-e-marhum ai ‘jauhar’
bahut yaad aata hai jab daur men paimana aata hai
Leave a Reply