kucha-e-yar men ab jaane guzar ho ki na ho
vahi vahshat vahi sauda vahi sar ho ki na ho
jaane ik rang sa ab ruḳh pe tire aa.e na aa.e
nafas-e-shauq se gul shola-e-tar ho ki na ho
ab musalsal bhi jo dhaḌke dil-e-nashad mira
kis ko malum tire dil ko ḳhabar ho ki na ho
qahr men lutf men mad-hoshi o hushyari men
vo mire vaste taḳhsis-e-nazar ho ki na ho
hijr ki raat thi imkan-e-sahar se raushan
jaane ab us men vo imkan-e-sahar ho ki na ho
Leave a Reply