kis liye parvana khakistar hua
shama kyuun apni jalan men ghul gai
muntashir kyuun ho gae auraq-e-gul
chikhti gulshan se kyuun bulbul gai
abdida ho ke shabnam kyuun chali
dam ke dam kanton men aa kar tul gai
sabza-e-tarf-e-khayaban kya hua
aah kyuun shadabi-e-sumbul gai
kuchh na tha khvab-e-pareshan ke siva
is theater ki haqiqat khul gai
raah ke ranj-o-taab ka kya gila
jab ki dil se gard-e-kulfat dhul gai
Leave a Reply