aag ashk-e-garm ko lage ji kya hi jal gaya
aansu chu us ne ponchhe shab aur haath phal gaya
phoda tha dil na tha ye mue par khalal gaya
jab thes saans ki lagi dam hi nikal gaya
kya rouun khira-chashmi-e-bakhti-e-siyah ko
vaan shaghl-e-surma hai abhi yaan sail dhal gaya
ki mujh ko haath malne ki taalim varna kyuun
ghairon ko aage bazm men vo itr mal gaya
us kuche ki hava thi ki meri hi aah thi
koi to dil ki aag pe pankha sa jhal gaya
jon khuftagan-e-khak hai apni fatadgi
aaya jo zalzala kabhi karvat badal gaya
us naqsh-e-pa ke sajde ne kya kya kiya zalil
main kucha-e-raqib men bhi sar ke bal gaya
kuchh ji gira pade tha par ab tu ne naaz se
mujh ko gira diya to mira ji sambhal gaya
mil jaae gar ye khaak men us ne vahan ki khaak
gul ki thi kyuun ki paanv vo nazuk phisal gaya
but-khane se na kaabe ko taklif de mujhe
‘momin’ bas ab muaaf ki yaan ji bahal gaya