Raza Hamdani
ma.amura-e-afkar men ik hashr bapa hai
idrak bhi insan ke liye turfa bala hai
har naqsh agar tera hi naqsh-e-kaf-e-pa hai
phir mere liye koi saza hai na jaza hai
honTon pe hansi sinon men kohram bapa hai
divanon ne jiine ka chalan siikh liya hai
ab dasht-e-junun bhi jo simaT aa.e ajab kya
divana koi le ke tira naam chala hai
ik baar jo TuuTe to kabhi juḌ nahin sakta
a.ina nahin dil magar a.ina-numa hai
apnon se kabhi maut juda kar nahin sakti
jo TuuT gaya haath vo siine pe dhara hai
ham zauq-e-sama.at se hain mahrum vagarna
har qatra-e-shabnam men dhaḌakne ki sada hai
vo samne aa.e hain kuchh is turfa ada se
adab mohabbat ke bhi dil bhuul gaya hai
dhaḌka ye laga hai ki sahar aa.e na aa.e
is gham se sar-e-sham hi dil Duub raha hai
Leave a Reply