Yasmin Husaini Zaidi Nikhat
koi to baat hogi tumhari nigah men
dil jo na rah saka tha hamari panah men
tum se to yuun hua nahin sarzad koi qusur
hogi koi kami hi hamari nibah men
ham kyuun karen tumhari vafa se koi gila
jab ḳhud hi kho ga.e the zamane ki chaah men
tum ne diya tha saath magar ham na chal sake
ham ko najat kab mili kanTon se raah men
dariya se pyaas bujh na sakegi ye soch kar
lahra ke chal paḌe the samundar ki chaah men
Leave a Reply