Poet
har gaam zindagi men ajab sanehe hue
apne parae janchne ke tajarbe hue
ik diary purani mire haath kya lagi
yadon ke zard ped yakayak hare hue
ai dil sambhal zabt ki pushte laraz uthe
ankhon se bah na jaaen ye dariya ruke hue
ankhon men dekh shahr-e-khamoshan ka sa sukut
palkon pe dekh gham ke fasane likhe hue
‘bilqis’ ik charagh sar-e-rah kya rakha
basti ke har makan hi men tabsire hue
Leave a Reply