dil par nahin ham chha.e hain zehnon ke jahan tak
tum ne abhi paa.e nahin manzil ke nishan tak
phir bahs hai tafsil se har cha.e-kade men
zardar ke aivan se muflis ke jahan tak
ye vaqt se pahle ki sada rang na laa.e
suuna na pahunch jaa.e kahin rud-e-garan tak
bikhri hui tariḳh ki phir jild bandhegi
mazlum ki fariyad se zalim ke bayan tak
ahbab se ai hosh ayadat ka gila kya
tahsil pe tum aa.e na saa.ib ki dukan tak
Leave a Reply