Syed Amin Ashraf
koi sitara-e-shab ya ghubar tha vo bhi
zamin pe naz-e-falak ka shumar tha vo bhi
main reza reza zamin par magar vara-e-zamin
numud-e-pairahan-e-tar-tar tha vo bhi
sinan-ba-dast jo aaya vo dasta-e-gul tha
jo lala-ru tha so amboh-e-ḳhar tha vo bhi
vo paḌ gaya tha magar ranj-e-na-gahani men
girah-kusha gila-e-saz-gar tha vo bhi
usi se ḳhaak men ra.ana.i-e-tajammul hai
zamin pe jhukta hua kohsar tha vo bhi
kisi pe jam ga.i chashm-e-gurez-pa aḳhir
ajiib lamha-e-be-iḳhtiyar tha vo bhi
Leave a Reply