Koi Sang-E-Rah Bhi Chamak Utha To Sitara-E-Sahari Kaha

koi sang-e-rah bhi chamak utha to sitara-e-sahari kaha

miri raat bhi tire naam thi use kis ne tira-shabi kaha

mire roz o shab bhi ajiib the na shumar tha na hisab tha

kabhi umr bhar ki khabar na thi kabhi ek pal ko sadi kaha

mujhe janta bhi koi na tha mire be-niyaz tire siva

na shikast-e-dil na shikast-e-jan ki tiri khushi ko khushi kaha

koi yaad aa bhi gai to kya koi zakhm khil bhi utha to kya

jo saba qarib se ho chali use minnaton ki ghadi kaha

bhari dopahar men jo paas thi vo tire khayal ki chhanv thi

kabhi shakh-e-gul se misal di kabhi us ko sarv-e-samani kaha

kahin sang-e-rah kahin sang-e-dar ki main pattharon ke nagar men huun

ye nahin ki dil ko khabar na thi ye bata ki munh se kabhi kaha

mire harf harf ke haath men sabhi ainon ki hain kirchiyan

jo zaban se ho na saka ‘ada’ ba-hudud-e-be-sukhani kaha

Leave a Comment