Poet
main tum ko soch raha huun magar udaas nahin
tu abshar-e-sukun hai badan ki pyaas nahin
bina chhue hi mire ḳhvab chuum leta ho
bahut qarib ho halanki mere paas nahin
ḳhizan ki rut men bhi ḳhushbu sambhal rakkhi hai
main tum se duur hua huun magar udaas nahin
qarib aan ke baiTho magar gale na lago
dava jo dil ke liye hai badan ko raas nahin
rangon men ḳhuun ki manind hai ravan mujh men
tu andarun-e-badan hai mira libas nahin
qarar-e-tarq-e-ta.alluq tha so nibhaya bhi
sharab chhoḌ di main ne magar gilas nahin
Leave a Reply