Bakhtiyar Ziya
koi ḳhadsha hai na tufan bala kuchh bhi nahin
ab na ghamza hai na andaz-o-ada kuchh bhi nahin
ishq kahte hain kise husn hai kya kuchh bhi nahin
meri ankhen tiri surat ke siva kuchh bhi nahin
kab se viran paḌi hai mire dil ki duniya
koi naghma kisi paa.el ki sada kuchh bhi nahin
zahr se kam nahin ye saghar-e-mai mere liye
tu nahin hai to ye mausam ye faza kuchh bhi nahin
tere chehre pe qayamat hai haya ki surḳhi
rang-e-gul rang-e-shafaq rang-e-hina kuchh bhi nahin
Leave a Reply