Azhar Ghauri
koi kami zarur thi tera karam na mil saka
chhoḌ diya sanam-kada phir bhi haram na mil saka
ham ko bhi thi ye aarzu chalte kisi ke saath saath
log to kitne hi mile jazb-e-baham na mil saka
ye bhi hai apni hi ḳhata dil men koi nahin bacha
sham.a koi na jal saki koi sanam na mil saka
vaqt ke mir-o-shahryar darpa-e-jan hain is liye
apne huzur kyon unhen sar mira ḳham na mil saka
daar pe khinch kar mujhe us ko kahan sukun magar
is se baḌa koi use aur sitam na mil saka
‘az.har’-e-ḳhasta-jan kisi dasht ki ab tu raah le
charagaron ke shahr men chara-e-gham na mil saka
Leave a Reply