koi gulab kabhi us ka dil dukhaya tha
so regzar pe bhi vahshaton ka saaya tha
utar ke shaḳh se ik ek zard patte ne
na.i ruton ke liye rasta banaya tha
vo shaḳh-e-saya-e-iḳhlas kaT ga.i ik roz
tapish se jis ne mujhe umr bhar bachaya tha
shajar shajar ko nishana banane vaalo tumhen
ḳhayal bhi na kisi ghonsle ka aaya tha
kisi ḳhayal kisi ḳhvab ke liye ‘ḳhurshid’
diya dariche men rakkha tha dil jalaya tha
Leave a Reply