Tasneem Abidi
aaj kei raat charaghon ko bujha rahne de
dard ko hijr ke pahlu se laga rahne de
dekh tujh ko nahin andaza-e-vahshat shayad
ik jala ḳhema hi sahra men laga rahne de
tu mira saz-e-girafta nahin sun pa.ega
aisa kar tu mujhe tasvir bana rahne de
tishnagi ke mire qisse na zamane ko suna
mujh ko dariya ke kinare hi paḌa rahne de
kuza-gar chhoḌ gaya mujh ko bikharne ke liye
ab miri ḳhaak ko miTTi men mila rahne de
ta.aziyat karni hai ḳhud se dil-e-marhum mujhe
ta.aziya-ḳhane men ye farsh-e-aza rahne de
ḳhali hathon se duaon ke siva kya karte
jab masiha ne kaha ab ye dava rahne de
Leave a Reply