Pashemani

main ye soch kar us ke dar se utha tha

ki vo rok legi mana legi mujh ko

havaon men lahrata aata tha daman

ki daman pakad kar bitha legi mujh ko

qadam aise andaz se uth rahe the

ki avaz de kar bula legi mujh ko

magar us ne roka na mujh ko manaya

na daman hi pakda na mujh ko bithaya

na avaz hi di na mujh ko bulaya

main ahista ahista badhta hi aaya

yahan tak ki us se juda ho gaya main

Leave a Comment