chheḌiye saz-e-zindagi naghma-navaz ho na ho
aah to kar ke dekhiye soz men saaz ho na ho
dekhiye qabil-e-qubull apni namaz ho na ho
sajda to kar jabin-e-shauq dar-gah-e-naz ho na ho
pir-e-mughan ke naam par saaqi har ik ko mast kar
aaj ke baad saal bhar mai-kada-baz ho na ho
zabt-e-gham vufur-e-shauq aur dil-e-na-subur-e-ishq
mujh ko to hai ghurur-e-ishq aap ko naaz ho na ho
mast faza bahar mast mast ‘hayat’ yaar mast
mast ho baar baar mast hukm-e-javaz ho na ho
Leave a Reply